Hello，大家好，我係阿糖，今次就同大家分享日本大阪有咩好食、好玩。首先分享嘅就係日本環球影城，現場氣氛好好！我去果日係平日，買普通飛入場所有遊戲都唔洗等太耐。園內有好多唔同主題嘅 4D 影院，如果時間許可好值得全部玩晒，我都玩左3-4個，好刺激呀！而我最鍾意嘅就係哈利波特園區入面可以買到嘅butter beer，一定要試下呀，真係唔錯。
去完日本環球影城，我地就嚟到男人嘅浪漫地方——whisky 酒廠啦。入面有好多Whisky 嘅相關 歷史之外，仲可以參加佢地嘅製酒 tour 嫁，但係謹記提早一個月要係網上預約。仲可以試埋佢地唔同年份嘅酒，當然仲有好多whisky嘅手信賣啦。最後想推介兩間日本餐廳俾大家啦，第一間就係名叫「鐵板神社」嘅居酒屋，主打食串燒。而我就最鍾意帶子蟹膏，超級新鮮，串燒蝦都好彈牙好爽。最勁就係串燒雞翼，細心到連雞翼尖嘅骨都去埋，正呀！第二間係我決定之後每次黎大阪都要去食、叫做「新世界Grill 梵」嘅牛扒三文治，食完之後感覺好幸福呀，中間塊牛扒超厚，又有牛味，而且價錢一 d 都唔貴，非常推薦。
